Бугун, 18-июнь ҳамда 19-июнь куни тонгда АҚШда бўлиб ўтаётган клублар ўртасидаги Жаҳон чемпионатидан ўрин олган 4 та учрашув бўлиб ўтади.
Дастлабки учрашув «Г» гуруҳидан ўрин олган «Манчестер Сити» ҳамда Марокашнинг «Видад» жамоалари ўртасида бўлиб ўтади. Учрашув Тошкент вақти билан 21:00 да старт олади. Гуруҳдаги иккинчи баҳсда БААнинг «Ал-Айн» клуби «Ювентус»га қарши майдонга тушади. Бу баҳс эртага эрталаб 06:00 да бошланади.
Мусобақанинг «Ҳ» гуруҳидан жой олган Мадриднинг «Реал» клуби бугун тунда, 00:00 да «Ал-Ҳилол»га қарши тўқнаш келади. Ушбу гуруҳдаги яна бир ўйинда Мексиканинг «Пачука» клуби Австриянинг «Ред Булл Залсбуирг» жамоасига қарши майдонга тушади.
Шу тариқа, илк бор 32 жамоа қатнашаётган ушбу мусобақада 1-тур учрашувлари ўз ниҳоясига етади.
